“Qarabağ bölgəsində Əhməd bəy Ağaoğlunun heykəlinin ucaldılması çox yaxşı olardı”

23-04-2019, 15:49
326
“Qarabağ bölgəsində Əhməd bəy Ağaoğlunun heykəlinin ucaldılması çox yaxşı olardı”

Qənirə Paşayeva: “Görkəmli şəxsiyyət barədə “Difai fədailəri” adlı əsər yazıb və bu əsər əsasında filmin çəkilməsi çox yaxşı olardı”

Deputat Qənirə Paşayeva Əhməd bəy Ağaoğluna abidə qoyulmasını təklif edib. Bizimyol.info xəbər verir ki, Milli Məclisdə çıxış edən deputat özünün və ziyalıların adından ictimai xadim Əhməd bəy Ağaoğlunun 150 illik yubileyinin keçirilməsi haqqında imzaladığı sərəncama görə Prezidentə təşəkkür edib.

O bildirib ki, Əhməd bəy Ağaoğlu Azərbaycanın yetişdirdiyi böyük şəxsiyyətlərdən biridir:

“Əhməd bəy Ağaoğlu erməni daşnaklarının XX əsrin əvvəllərində dinc azərbaycanlılara qarşı törətdiyi qətliamlara, cinayətlərə qarşı mübarizədə “Difai” təşkilatını quraraq böyük rol oynamışdı. Ziyalılarımız adından müvafiq qurumlara müraciət edərək xahiş etmək istərdim ki, Əhməd bəy Ağaoğlunun əslən Şuşadan, Qarabağdan olduğunu nəzərə alaraq, Qarabağ bölgələrinin birində Əhməd bəy Ağaoğlunun heykəlinin, abidəsinin ucaldılması çox yaxşı olardı. Eyni zamanda, onun haqqında filmin çəkilməsi də çox vacib məsələdir. Xalq şairimiz Sabir Rüstəmxanlı Əhməd bəy Ağaoğlunun həyatından bəhs edən “Difai fədailəri” adlı əsər yazıb və bu əsər əsasında filmin çəkilməsi çox yaxşı olardı”.

Q.Paşayeva müvafiq qurumlara müraciət edərək Prezidentin Əhməd bəy Ağaoğlunun 150 illik yubileyinin keçirilməsi haqqında sərəncamından irəli gələn tədbirlər çərçivəsində Əhməd bəy Ağaoğlunun abidəsinin ucaldılması və onun haqqında filmin çəkilməsi ilə bağlı təkliflərinin reallaşması istiqamətində addımlar atmağa çağırıb.

 

скачать dle 10.6фильмы бесплатно
Xəbər lenti