Tacir Şahmalıoğlu Murad Rzayevi YIXIB-SÜRÜDÜ: Ola bilsin ki, o, dədəsini tanımır, çünki...

20-05-2021, 15:43
21
Tacir Şahmalıoğlu Murad Rzayevi YIXIB-SÜRÜDÜ: Ola bilsin ki, o, dədəsini tanımır, çünki...

O adamın içi mundardır. Bu yaşda yalan danışan ağsaqqallara zərrə qədər hörmətim yoxdur, ola da bilməz. İrəli sürdüyü fikirləri heç bir məntiqə sığmır.

Bu sözləri  açıqlamasında müğənni Tacir Şahmalıoğlu “Qarabağ bülbülləri” ansamblında müəllimi olmuş Murad Rzayev haqqında deyib.

T.Şahmalıoğlu bildirib ki, “Bayatı-Şiraz” muğamının improvizə müəllifi özüdür, bu vaxta qədər 150-dən çox mahnı yazıb, Murad Rzayevin isə heç bir əsəri yoxdur: “Bayatı-Şiraz”ı 12 yaşımda oxumuşam, 8 yaşımda Bethovenin, Motsartın, Çaykovskinin əsərlərini ifa edirdim. İlk dəfə 5 yaşımda Goranboy şəhərində “Qarabağ şikəstəsi”ni oxuyanda bütün zal ayağa qalxanda Murad Rzayev müəllimim deyildi. Onda qardaşım və Yolçu müəllim mənə istiqamət verirdi. İkincisi, “12 yaşında uşaq dədəsini və nənəsini tanımır” sözləri ona yaraşan söz deyil. Dədəmi də, nənəmi də, 7 arxa dönənimi də tanıyıram, bütün keçmişimi yaxşı bilirəm. Ola bilər ki, Murad Rzayev dədəsini və nənəsini tanımır. Çünki onun keçmişi olmayıb, ağzına gələni danışır, əsl sənətkar dürüst və təmiz olar.

Deyib ki, Ulu öndər Heydər Əliyev bu improvizəni eşitmədi. Yalan danışır, Heydər Əliyev 1977-ci ildə o improvizəni dəfələrlə eşidib. Hətta Ulu öndər ifa etdiyim improvizəni eşidəndən sonra bütün iştirakçılarla görüşmək istədiyini bildirmişdi. Konsertdən sonra gəldi, üzümdən öpdü və dedi ki, bu yaşda belə oxuya bilirsənsə, deməli çox böyük gələcəyin olacaq. Allah Ümummilli lideri qəni-qəni rəhmət eləsin!

“Bayatı-Şiraz”ın ifaçısı və müəllifi Tacir Şahmalıoğludur, istənilən yerdə sübut edə bilərəm. “Yolun düşsə, bu dünyaya bir də gəl” mahnısı yutubda 20 milyon baxış sayı toplayıb. Hər oxuduğum mahnı hit olur. 150-dən çox mahnım var, hamısını özüm bəstələmişəm. Çoxunun sözlərini də özüm yazıram. Bəs sən hansı mahnını və şeiri yazmısan? Bunlar sənlik deyil, get keçmişini yadına sal, gör kimsən... Bu yalana görə mən səni yalnız Allaha tapşırıram. Allah səni ölməyə də qoymayacaq, rahat ölümü də qismət etməyəcək, vaxt gələcək halallıq almaq üçün məni axtaracaqsan.

M.Rzayev deyib ki, niyə tələbələrimin bağı və evi var, mən isə kirayədə yaşayıram. Sən gəbərənə qədər kirayədə yaşayacaqsan. Çünki danışdığın bu yalana görə Allah sənə nə ev qismət edə bilər, nə də yaxşı övlad. Övladların da səni saymır, bunu yaxşı bilirəm”.

Xatırladaq ki, Murad Rzayev “Bayatı-Şiraz”ın müəllifinin Tacir Şahmalıoğlu deyil, özü olduğunu açıqlayıb. Onun Tacir bəy haqqında “O yaşda insan dədəsini, nənəsini tanımır, “Bayatı-Şiraz”ı necə yarada bilərsən? Oxumusan, çox sağ ol! Sənin kimi oxuyan olmaz, bunu mən sənə deyirəm! Bunu belə açıqlama səbəbi də var! O zaman insult keçirdim, xəstəxanada yatdım. Elə bilirdilər ki, öləcəyəm. Bu da düşündü ki, Murad müəllim daha həyatda olmayacaq, gedir... Ona görə televiziyaya elə müsahibə verdi” fikirləri qalmaqala səbəb olub.

скачать dle 10.6фильмы бесплатно
Xəbər lenti